Jafet Ólafsson, framkvæmdastjóri, telur að áfram verði kalt á lánamarkaði hérlendis, næstu mánuði. Hann segir hins vegar að fréttir um að Kaupþing hafi hætt við yfirtöku á hollenska bankanum NIBC séu jákvæðar fyrir íslenska bankakerfið og efnahagslífið í heild sinni.

Fjármögnunin á hollenska bankanum var mjög umfangsmikil og hefði Kaupþing þurft að fara í skuldabréfa- og hlutabréfaútgáfu, sem stærstu hluthafar hefðu þurft að standa á bak við, ef af yfirtökunni hefði orðið. 

Þar sem þess þarf nú ekki mun það að einhverju leyti liðka fyrir útlánum, sem hafa verið við frostmark hjá bönkunum að undanförnu. Jafet telur þó að þeir muni fara varlega, þar til kjör þeirra hafa batnað enn meir og vaxtaálag lækkað – og því býst hann við erfitt verði að sækja lán næstu mánuði. 

Tengdar fréttir

Kaupþing og hollenski bankinn

Telja fáa standa betur en Kaupþing banka

• Kaupþing og JC Flowers bjuggust við synjun FME
• Áttu að verða stærstu viðskipti sögunnar
• Niðurstaða FME lá ekki fyrir
• Hægir á útrásinni

» Fleiri tengdar fréttir

• Blogga um frétt