Viðræður um launalið hefjast á morgun
Setja bókamerki
Gert er ráð fyrir að viðræður um launaramma og launakröfur Starfsgreinasambandsins og Flóafélaganna hefjist á morgun og verði fram haldið á fimmtudag.
Fram kemur á heimasíðu Starfsgreinasambandsins, að viðræðunefnd sambandsins hafi í dag og í gær farið yfir tilboð atvinnurekenda varaðandi launaliði og stöðuna almennt í kjaraviðræðunum. Einnig hafi formenn landssambanda ASÍ og stærstu félaganna, Eflingar, Einingar-Iðju og Afls, auk VR rætt möguleika á sameiginlegum launaramma aðildasambanda ASÍ gagnvart atvinnurekendum. Hugmyndir ASÍ voru kynntar forystu Samtökum atvinnulífsins síðdegis.
Þá voru áherslur ASÍ gagnvart ríkinu vegna aðkomu þess að lausn kjaradeilunnar ræddar á vettvangi sambandsins. Viðræðum um kröfur á sameiginlegu borði ASÍ verður haldið áfram á morgun og þá mun Starfsgreinasambandið einnig funda um sín sérmál gagnvart Samtökum atvinnulífsins.
Hópur fólks reyndi að komast að eldgosinu
Pútín reynir allt til að forðast aðra herkvaðningu
Hentugt gos fyrst gýs á annað borð
„Höfum sloppið bærilega með skaða af þessu gosi“
Dómur þyngdur um þrjú ár
Þarf að koma til móts við ólíkar þarfir lækna
Yfir 300 stæði fóru undir hraun