Bandalag háskólamanna segist gera alvarlegar athugasemdir við kröfur Samtaka atvinnulífsins á hendur ríkisstjórninni í tengslum við gerð kjarasamninga á almennum markaði. Tekur BHM þar með undir gagnrýni BSRB, sem hefur sakað SA um forræðishyggju með því að krefjast þess að sömu stefnu verði fylgt í samningum við opinbera starfsmenn og verði mótuð í almennum kjarasamningum.

„Ríki og sveitarfélög hafa ekki komið að mótun þeirrar stefnu, hvað þá samtök opinberra starfsmanna, og dæmalaust ósvífið að ætlast til þess að kjör opinberra starfsmanna verði ákveðin af öðrum en þeim sem um þau eiga að semja. Stéttarfélög Bandalags háskólamanna eru með sjálfstæðan samningsrétt og munu að sjálfsögðu standa fast á þeim rétti. Launakannanir hafa ítrekað sýnt fram á að laun hjá hinu opinbera eru 20-30% lægri en á almennum markaði og úr því þarf að bæta.

Stjórn BHM minnir einnig á að í stefnuyfirlýsingu núverandi ríkisstjórnar er kveðið á um að dregið skuli úr kynbundnum launamun og að sérstaklega verði hugað að því að bæta kjör kvennastétta. Til að ná þessum markmiðum þarf verulegar leiðréttingar á kjörum stórra hópa hjá hinu opinbera," segir í ályktun BHM.

Tengdar fréttir

Kröfur ASÍ

Vilja ekki krónuna

• ASÍ bankar upp á hjá ríkisstjórn
• Verslunarmenn samþykktu
• SA samþykkja kjarasamninga
• Geir: Mjög ábyrgir samningar

» Fleiri tengdar fréttir

• Blogga um frétt