Pólverjinn Tomasz Krzysztof Jagiela,  sem lögregla hafði lýst eftir, gaf sig fram við lögreglu í Reykjanesbæ á milli klukkan tíu og ellefu í morgun. Samkvæmt upplýsingum Gísla Þorsteinssonar rannsóknarlögreglumanns verður maðurinn fluttur til Reykjavíkur þar sem hann verður yfirheyrður síðar dag. Þá segir hann liggja ljóst fyrir að farið verði fram á gæsluvarðhaldsúrskurð yfir manninum.

Mannsins var leitað í tengslum við rannsókn á árásarmáli í Keilufelli í Reykjavík þegar hópur manna réðist á Pólverja, sem þar búa. Fimm manns sitja í gæsluvarðhaldi vegna málsins.

Gísli segir rannsókn málsins vera í fullum gangi en að það sé umfangsmikið og að henni muni því ekki ljúka alveg á næstunni. Þá segir hann engar upplýsingar liggja fyrir um fleiri menn sem taldir eru hafa tekið þátt í árásinni í Keilufelli. Vitni að árásinni sögðust strax eftir atvikið telja að tíu til tólf menn hefðu tekið þátt í henni.

Tengdar fréttir

Árás

Ákært fyrir húsbrot og líkamsárás

• Meintur höfuðpaur neitar að tjá sig um Keilufellsárás
• Úrskurðaður í gæsluvarðhald til 6. maí
• Pólverjinn hringdi á undan sér
• Efirlýstur maður handtekinn

» Fleiri tengdar fréttir

• Blogga um frétt