Héraðsdómur Reykjavíkur hefur úrskurðað að einn af þeim sex erlendu mönnum, sem handteknir voru í tengslum við grófa líkamsárás í Keilufelli í síðasta mánuði, sæti áframhaldandi gæsluvarðhaldi til 5. maí. 

Fjórir voru úrskurðaðir í farbann til 5. maí en sjötti maðurinn er frjáls ferða sinna, samkvæmt upplýsingum frá lögreglunni á höfuðborgarsvæðinu.

Árásin var gerð 22. mars en þá réðust 10-12 menn inn í hús við Keilufell þar sem voru fyrir 10 menn. Mennirnir voru vopnaðir hafnaboltakylfum, járnrörum, exi og öðrum bareflum og réðust á íbúana í húsinu. Hlutu sjö þeirra, allir Pólverjar, mikla áverka víðs vegar um líkamann. Sumir hlutu opin beinbrot og voru sjáanleg  djúp för eftir gaddakylfur á líkama þeirra. Einn lá lengi þungt haldinn á gjörgæslu.

Tengdar fréttir

Árás

Ákært fyrir húsbrot og líkamsárás

• Meintur höfuðpaur neitar að tjá sig um Keilufellsárás
• Úrskurðaður í gæsluvarðhald til 6. maí
• Pólverjinn hringdi á undan sér
• Efirlýstur maður handtekinn

» Fleiri tengdar fréttir

• 1 blogg um fréttina

Bloggað um fréttina

• Ómar Bjarki Kristjánsson: Hálf tylft manna