Tilboð upp á tólf til sextán milljarða
Setja bókamerki
Vestmannaeyjabær/Vinnslustöðin lögðu fram 6 tilboð í smíði nýrrar Vestmannaeyjaferju, sem sigla mun í fyrirhugaða Landeyjahöfn og rekstur á skipinu í 15 ár. Tilboð í verkið voru opnuð hjá Ríkiskaupum í morgun en auk tilboða Vestmannaeyjabæjar/Vinnslustöðvarinnar gerðu Samskip tilboð í verkið. Þetta kemur fram á fréttavefnum Suðurland.is
Tilboði Samskipa var vísað frá þar sem stóðst ekki kröfur útboðsgagna. Tilboð Vestmannaeyjabæjar/Vinnslustöðvarinnar eru mismunandi há, eftir því hvaða vélbúnaður verður notaður í skipið og hversu hátt framlag Ríkissjóðs verður við upphaf samningsins. Lægsta tilboðið hljóðar upp á 12.387.514.258 krónur en kostnaðaráætlun hljóðar upp á 10.173.600.000 krónur.
Hæsta tilboð Vestmannaeyjabæjar/Vinnslustöðvarinnar hljóðar hins vegar upp á rúmar 16,3 milljónir króna. Var ákveðið að ganga til viðræðna við Vestmannaeyjabæ/Vinnslustöðina og var fyrsti samningafundurinn haldinn í dag.
Lyklaskipti í ráðuneytunum
Það er ekkert partí án spurninga!
„Aðstæður í stjórnmálum geta breyst á einni nóttu“
Þetta eru ráðherrar ríkisstjórnarinnar
Skattamál verði líklega „þeirra mesta klemma“
Segir að verið sé að svindla á Bandaríkjunum
„Þetta er ríkisstjórn almannahagsmuna“
Hrikalegt að heyra fréttirnar