Íslendingur stýrir stuðningi Microsoft við Búrma
Setja bókamerki
Gísli Rafn Ólafsson, einn af stjórnendum alþjóðasveitar Slysavarnafélagsins Landsbjargar og UNDAC meðlimur er nú staddur í Bangkok, Taílandi á vegum Microsoft, en hann starfar fyrir fyrirtækið sem ráðgjafi í notkun tölvutækni við að samhæfa viðbrögð við náttúruhamförum.
Á ráðstefnu á föstudaginn harmaði Bill Gates, stjórnarformaður og stofnandi Microsoft þær náttúruhamfarir sem dundu yfir Búrma um síðustu helgi. Hann hét því jafnframt að fyrirtækið myndi styðja eftir besta mætti við starf þeirra hjálparstofnanna sem taka þátt í hjálparstarfinu og er það hlutverk Gísla að leiða þann stuðning í samvinnu við Hjálparstofnun SÞ.
Þar sem mjög fáar hjálparstofnanir hafa fengið aðgang inn í landið enn sem komið er þá er öllu hjálparstarfinu stýrt frá nágrannaríkinu Taílandi. Lítið upplýsingaflæði frá Búrma hamlar hjálparstarfi og því mikil áhersla lögð á það að auðvelda og auka það ásamt því að tryggja aðgengi allra hjálparstofnanna að þeim litlu upplýsingum sem þó komast í gegn, samkvæmt upplýsingum frá Landsbjörgu.
Gera ráð fyrir 1,7 milljarða króna rekstrarafgangi
Nágranninn fannst látinn við nærliggjandi skóla
Ekki gerlegt að sakfella eftir lýsingu í ákæru
Boða umbreytingu í grunnskólanum
Útlit fyrir að hallinn verði 17 milljörðum meiri
Þungbært að missa félaga
Ísrael rýfur öll tengsl við UNRWA