Mun meira tjón í jarðskjálftanum en árið 2000: 3,5 milljarðar minnst
Mikið tjón varð á innbúi á jarðskjálftasvæðinu.
mbl.is/Frikki
Setja bókamerki
Greiddar tjónabætur Viðlagatryggingar eftir Suðurlandsskjálftana árið 2000 námu 2,5 milljörðum. Á ferð fjárlaganefndar Alþingis um Suðurland í vikunni upplýstu sunnlenskir sveitarstjórnarmenn að tjónið af jarðskjálftanum nú sé mun meira og nemi trúlega 3 til 3,5 milljörðum.
Ásgeir Ásgeirsson, forstjóri Viðlagatryggingar, segir þetta ekki fráleitt þótt hann viti það ekki. „Ég myndi ætla að það væri að minnsta kosti mánuður í að hægt verði að gefa upp eitthvað sem hægt er að standa við. Endanleg tala mun ráðast mjög af fjölda smærri tjóna á húseignum. Þær skemmdir hafa menn jafnvel ekki uppgötvað, hvað þá tilkynnt,“ segir Ásgeir.
Mikilvægast sé þó að Viðlagatrygging geti örugglega bætt tjónið. Tugir starfsfólks vinna nú tjónamat á húsum.
Þetta eru ráðherrar ríkisstjórnarinnar
Skattamál verði líklega „þeirra mesta klemma“
Bjarni: „Útilokað að þetta geti gengið upp“
Barn lést í árásinni
„Þetta er ríkisstjórn almannahagsmuna“
Víkingar komnir yfir 800 milljónir í greiðslur
