Leit að bjarndýri stendur yfir
Setja bókamerki
Átta manna hópur leitar nú hvítabjarnar á þeim slóðum sem fólk taldi sig hafa séð slíka skepnu í grennd við Bjarnarfell á Skaga í gær. Þyrla Landhelgisgæslunnar leitaði án árangurs í dag og er farin suður til Reykjavíkur en lítil flugvél hefur tekið við leit úr lofti.
Einn lögreglumaður er í hópnum ásamt þremur björgunarsveitarmönnum og fjórum skyttum.
Varðstjóri lögreglunnar á Sauðárkróki sagði að eitthvað yrði leitað fram á kvöld en enn hefði ekki sést til bjarndýra.
Í gærkvöldi barst lögreglunni á Sauðárkróki tilkynning frá fólki, sem var á göngu við Bjarnarvötn á Skaga, um að það hefði hugsanlega séð hvítabjörn við Bjarnarfell. Sá fólkið tilsýndar hvítt dýr sem hreyfði sig þunglamalega. Fólkið náði ljósmyndum af dýrinu, en þær munu þó vera nokkuð óskýrar.
„Við í Prís höfum áhuga á að fara á Nesið“
Tugþúsundir sjálfboðaliða mættir á flóðasvæðið
„Ég held að þetta verði ekki svo jafnt“
„Umbjóðanda mínum er mjög létt“
Vill skattleggja greinina og veita henni svo styrki
Kappakstursbraut í Reykjavík: Raunhæfur möguleiki?
