Dælt úr skipi á Akureyri

Lögreglunni á Akureyri barst tilkynning í nótt um að skip væri farið að hallast við Krossanesbryggju. Talið var nauðsynlegt að grípa til aðgerða og gengu hafnarverðir og slökkvilið í málið.

Dæling úr skipinu, Greta SI-71, gekk vel og var verki lokið á klukkustund. Skipið hét áður Margrét EA-710 en er ekki lengur í eigu Samherja.  Talið er að farmi, brotajárni, hafi verið vitlaust hlaðið í skipið. Við það tók það að halla og rann þá ferskvatn og sjór inn í lestina.

Greta er 58 meter á lengd, 9,5 metrar á breidd og vegur um 1.100 tonn.

Að aðgerðum loknum er Greta nú fær í flestan sjó.

• 1 blogg um fréttina

Bloggað um fréttina

• Hafsteinn Viðar Ásgeirsson: Hér er ekki verið að hafa of mikið fyrir hlutunum.