Starfshópur skipaður vegna Suðurlandsskjálfta
Setja bókamerki
Ríkisstjórnin hefur ákveðið, að tillögu forsætisráðherra og dóms- og kirkjumálaráðherra, að setja á laggirnar starfshóp ráðuneyta sem ætlað er að vinna náið með fulltrúum sveitarstjórna á jarðskjálftasvæðunum á Suðurlandi við að meta hvernig fara skuli með ótryggð tjón einstaklinga og fyrirtækja svo og hvernig haga skuli fjárhagslegum stuðningi við sveitarfélög, m.a. vegna endurreisnarstarfsins.
Reynslan frá árinu 2000 mun verða höfð að leiðarljósi við þessa vinnu, að því er segir í tilkynningu.
Ráðuneytisstjóri forsætisráðuneytisins stýrir starfshópi ráðuneytanna en auk þess sitja í honum fulltrúar dóms- og kirkjumálaráðuneytis, félags- og tryggingamálaráðuneytis, heilbrigðisráðuneytis, samgönguráðuneytis, umhverfisráðuneytis, viðskiptaráðuneytis og fjármálaráðuneytis.
„Mér finnst gamla Samfylkingin komin aftur“
Ný ríkisstjórn kynnt á morgun
Funda með þingflokkum
„Þetta er ríkisstjórn almannahagsmuna“
Barn lést í árásinni
„Börn heima sem maður myndi vilja hafa í skjóli“
