Boðsundsveit Sjósundlandsliðs Íslands, sem hyggst reyna við Ermarsund í dag er nú að gera sig klára fyrir sundið. ekki er þó ljóst hvort af sundinu geti orðið en verið er að kanna aðstæður til sunds.

Fyrr í morgun var talið ólíklegt að af sundinu gæti orðið vegna slæms sjólags og veðurútlits. Fram kemur á vefnum ermarsund.com að skipsstjórinn Andy King hafi nánast verið búinn að slá sundið af. Hann hafi síðan hringt aftur og sagt liðinu að  mæta á bryggjuna klukkan 9:30 að íslenskum tíma. 

Mjög líklegt er þó að liðið muni þurfa að synda samkvæmt plani B en það felst í því að synt verði ein leið.

Röð á Boðsundsveit er eftirfarandi:1. Heimir Örn Sveinsson
2. Hálfdán Freyr Örnólfsson3. Kristinn Magnússon
4. Fylkir Þ. Sævarsson
5. Björn Ásgeir Guðmundsson
6. Hrafnkell Marínósson
7. Birna Jóhanna Ólafsdóttir
8. Hilmar Hreinsson