Guðmundur Þóroddsson, fyrr­verandi forstjóri REI og Orku­­veitunnar, hefur stofnað nýtt fyrirtæki, Reykjavík Geothermal, sem starfa mun að verkefnum á sviði jarðvarma. Fyrirtækið var stofnað 8. ágúst síðastliðinn, að sögn Guðmundar „til að nýta dagsetninguna". Hún sé svo skemmtileg. Þetta kemur fram í Fréttablaðinu í dag.

Guðmundur hefur áður sagt að um tuttugu milljarðar séu lágmarks­stofnfé fyrir fyrirtæki af þessum toga. Hann staðfestir að það sé upphæðin sem til þarf. „Það er stærðargráðan ef það er verið að tala um að stofna nýtt REI til að fara í útrás."

Fréttablaðið hefur heimildir fyrir því að Guðmundur standi frammi fyrir vali á milli tveggja fjármögnunarkosta. Annars vegar samstarfi við bandaríska fjár­festingarisann Riverstone, sem fjárfest hefur fyrir yfir fimmtán milljarða Bandaríkjadala í orku­­fyrirtækjum, og hins vegar innlendan banka. Hann átti hins vegar nýlega fund í Bandaríkjunum með fulltrúum Riverstone og munu þær viðræður vera langt komnar.

Tengdar fréttir

Reykjavik Energy Invest

Óskar úttektar á störfum sínum

• Vilhjálmur Þ.: Gagnrýnir fréttaflutning Morgunblaðsins
• REI-menn bera vitni
• Rannsakað með aðkomu REI
• Enex í gíslingu eigenda sinna

» Fleiri tengdar fréttir

• 1 blogg um fréttina

Bloggað um fréttina

• Jakob Falur Kristinsson: Nýtt fyrirtæki