Dómsmálaráðherra: Hefðbundin já,já/nei,nei afstaða framsóknarmanna
Setja bókamerki
Björn Bjarnason, dómsmálaráðherra, segir á vef sínum í dag að þegar ályktun Framsóknarflokksins um aðildarviðræður við Evrópusambandið er lesin þá sést að þetta er ósköp hefðbundin já,já/nei,nei afstaða framsóknarmanna, enda hefði hún ella ekki hlotið jafnafgerandi stuðning flokksmanna.
Einkennilegt er, að þessi niðurstaða skuli gleðja aðildarsinnana Ágúst Ólaf Ágústsson, varaformann Samfylkingarinnar, og Eirík Bergmann Einarsson á Bifröst. Hitt er að vísu vitað, að litlu verður Vöggur feginn, skrifar Björn í dag.
Evrópunefnd Sjálfstæðisflokksins boðaði til kynningarfundar í Valhöll í hádeginu í dag. Mikill fjöldi fólks hlýddi á þá formenn nefndarinnar, Kristján Þór Júlíusson, alþingismann, og Árna Sigfússon, bæjarstjóra, útlista það, sem fram hefur komið í nefndarstarfinu.
Geir H. Haarde, forsætisráðherra og formaður Sjálfstæðisflokksins, flutti ræðu á fundinum. Hann taldi starf Evrópunefndar hafa gengið afar vel og til marks um það væri, að um 1500 manns hefðu sótt fundi á hennar vegum um land allt. Tekist hefði að blása lífi í Evrópuumræður innan Sjálfstæðisflokksins, þótt aðild að Evrópusambandinu væri ekki neitt skyndilegt bjargráð út úr vanda þjóðarinnar. Ekki væri unnt að reikna sig inn í sambandið og nota til þess peningalegan mælikvarða, huglægt mat yrði einnig að ráða. Hafa yrði að leiðarljósi, hvað Íslandi yrði fyrir bestu.
Þetta eru ráðherrar ríkisstjórnarinnar
Funda með þingflokkum
Kristrún Frostadóttir verður forsætisráðherra
„Óviðunandi eftirlit með börnum“
Bein útsending: Ríkisstjórnarsamstarfið kynnt
Samfylking og Viðreisn gáfu loforð
„Mér finnst gamla Samfylkingin komin aftur“
Stóðu skógarþjófa að verki
