Í þriggja vikna gæsluvarðhald
Setja bókamerki
Þrír karlmenn um þrítugt, sem handteknir voru í nótt, grunaðir um stórfellt fíikniefnasmygl, voru samkvæmt upplýsingum mbl.is nú síðdegis úrskurðaðir í gæsluvarðhald til 11. maí að kröfu lögreglunnar á höfuðborgarsvæðinu, eða í þrjár vikur.
Tveir mannanna voru handteknir í nágrenni við Djúpavog en lögreglan stöðvaði einn þremenninganna í nótt á hringveginum, rétt við afleggjarann að Höfn. Hann var á suðurleið með fíkniefnin í jeppa, yfir 100 kg samkvæmt heimildum mbl.is.
Mennirnir komu fyrr í vikunni með slönguhraðbát til Djúpavogs. Mennirnir munu hafa sagt fólki á Djúpavogi að þeir hafi keypt bátinn af banka nýverið. Þeir sögðust vera áhugamenn um köfun og ætla að stunda köfun í nágrenninu. Aldrei sáust þó köfunarbúningar nálægt bátnum en athygli vakti að um borð voru nokkrir stórir bensínbrúsar líkt og löng sigling væri fyrir höndum.
Fíkniefnin munu hafa verið flutt til landsins með skútu sem kom upp að landinu í gær. Þremenningarnir fóru til móts við hana á hraðbátnum og fluttu fíkniefnin í land.
Varðskip með sérsveitarmenn um borð siglir nú að skútunni, sem er á siglingu fyrir austan land.
Forstjóri bendir á ábyrgð birgja vegna verðhækkana
Beint: Ný ríkisstjórn tekin við völdum
Alvarleg netárás á Wise
Funda með þingflokkum
Hrikalegt að heyra fréttirnar
Lát hjóna í Neskaupstað: Ákæra gefin út
„Börn heima sem maður myndi vilja hafa í skjóli“
