Fram kemur í grein Economist um aðildarumsókn Íslendinga að Evrópusambandinu að fyrir liggi að leið Íslendinga inn í sambandið verði löng og torfær þrátt fyrir allar umræður um hugsanlega flýtimeðferð.

Litlar líkur verði að teljast á því því að Íslendingar fái undanþágu frá sjávarútvegsstefnu sambandsins og staðfesta Íslendinga í þorskastríðunum gefi ekki til kynna að þeir muni gefa neitt eftir varðandi yfirráð yfir fiskimiðum sínum.

Mikil andstaða sé einnig við aðild á Íslandi þrátt fyrir að Alþingi hafi samþykkt að hefja umsóknarferlið. Efna þurfi til þjóðaratkvæðagreiðslu um hugsanlegan aðildarsamning og skoðanakannanir bendi ekki til þess að hann verði samþykktur.

Mikil andstaða sé við sjávarútvegsstefnu sambandins á Íslandi auk þess sem margir Íslendingar reki efnahagshrunið að hluta til til aðstæðna sem hafi skapast vegna aðildar landsins að evrópska efnahagssvæðinu.

Það muni því að öllum líkindum reynast stjórnarandstöðunni létt verk að virkja andstöðu Íslendinga við aðild og að líklegt verði að teljast að Íslendingar muni fara að dæmi Norðmanna sem tvisvar hafi hafnað aðild eftir að samkomulag hafi verið í höfn.

Tengdar fréttir

Evrópumál

Fundað um stuðning ESB við byggðaþróun

• Deilir á töf á umsókn Íslands
• Fagnað í Skopje
• „Getum lifað án Evrópu“
• Vill fresta umsóknarferli ESB

» Fleiri tengdar fréttir

• 4 blogg um fréttina

Bloggað um fréttina

• Rafn Gíslason: Löng og torfær leið inn í ESB.
• Axel Jóhann Axelsson: Ekki samskonar stjórnmálamenn og í þorskastríðunum
• Jakobína Ingunn Ólafsdóttir: 1000 milljarða aðgöngumiði að ENGU
• Haraldur Haraldsson: Economist: Líklegt að farið verði að dæmi Norðmanna/Mjög svo sennilegt!!!!!