Stjórnarformaður Orkuveitu Reykjavíkur, Guðlaugur Gylfi Sverrisson,  hefur óskað eftir fundi með fjármálaráðherra vegna sölu á hlutabréfum í HS Orku. Mikilvægt sé að fá upplýst hvort ríkið hafi áhuga á að eignast hlutinn. Þetta kemur fram í yfirlýsingu frá Guðlaugi.

„Yfirlýst andstaða umhverfisráðherra og annara fulltrúa VG stangast á við afstöðu iðnaðarráðherra sem telur heppilegt að þessi sala fari fram. Í því ljósi er mikilvægt fyrir Orkuveitu Reykjavíkur að vita hvort ríkið hafi raunverulegan áhuga á að eignast umræddan hlut eða ekki.

Samkeppnisyfirvöld hafa úrskurðað að Orkuveitan megi ekki eiga meira en 10% hlut í fyrirtækinu og í ljósi þess hefur hluturinn verið auglýstur til sölu. Söluferlið hefur verið opið og hefur ríkið eins og aðrir áhugasamir aðilar haft alla möguleika á því að koma að því borði.

Nú liggur fyrir kauptilboð sem þarf að taka afstöðu til og því afar mikilvægt að ríkisstjórn Íslands svari því afdráttarlaust hver vilji hennar er í málinu," að því er segir í yfirýsingu frá Guðlaugi Gylfa Sverrisyni, stjórnarformanni Orkuveitu Reykjavíkur.

Tengdar fréttir

Hitaveita Suðurnesja

Hreyfingin vill öll gögn upp á borðið

• HS Orka semur við lánardrottna
• Hagnaður HS Orku 2,6 milljarðar
• „Erum ekki að stela auðlindum“
• Reynt að semja við lánveitendur HS Orku

» Fleiri tengdar fréttir

• 9 blogg um fréttina

Bloggað um fréttina

• Guðrún Emilía Guðnadóttir: Auðvitað á ríkið að kaupa.
• Reynir W Lord: Ríkið á að kaupa þennan hlut og það strax
• Benedikta E: Steingrímur fjármálaráðherra á teppið hjá Framsókn!
• Sigurður Jónsson: Raunverulegur áhugi hjá ríkinu?
• Axel Jóhann Axelsson: Auðvitað á ríkið ekki að kaupa
• Þórhildur Fjóla Kristjánsdóttir: Ríkið á að kaupa
• Hallur Magnússon: Vill ríkisstjórnin HS Orku úr landi eða í hendur ríkisins?
• Andri Geir Arinbjarnarson: Fyrirtæki á leið úr landi
• Páll Vilhjálmsson: Útrásina þarf að núllstilla