Lagt er til, í fjárlagafrumvarpi fyrir næsta ár, að tímabundin fjárheimild embætti sérstaks saksóknara hækki um 225 milljónir króna og verði samtals 275 milljónir. Embættið var stofnað með 50 milljóna kr. fjárheimild sl. vetur.

Gert er ráð fyrir að starfsmenn embættisins verði allt að 16 talsins, auk aðkeyptrar ráðgjafar.

Gengið hefur verið frá samningi við fyrrum saksóknarann Evu Joly, en 75 milljóna króna hækkun á fjárveitingu vegna hennar eru innifalin í heildarhækkuninni. 

Þá var samþykkt í ágúst sl. að ráðnir verði þrír sjálfstæðir saksóknarar til embættisins, til viðbótar við sérstaka saksóknarann. Áætluð viðbótargjöld vegna þeirra nema 30 milljónum kr.

Tengdar fréttir

Fjárlagafrumvarp 2010

Fjárlög með 99 milljarða halla

• Fjárlagafrumvarpið í hnotskurn
• „Þungt höggvið í ráðstöfunartekjur heimila“
• Segir tekjur Rúv lækka - ekki hækka
• Framlög til sjúkraflutninga skorin niður um 53,5 milljónir

» Fleiri tengdar fréttir

• Blogga um frétt