„Það er eðlilegt að við rökræðum og tökumst á, en tímarnir krefjast þess að við horfum á það sem sameinar fremur en það sem sundrar. Skotgrafahernaður er ófrjór og mannskemmandi, því þjóðin er undir, heill hennar og framtíð, og hún á að vera í forgangi,“ sagði Katrín Jakobsdóttir menntamálaráðherra í umræðum um stefnuræðu forsætisráðherra í kvöld.  

Íslendingar hafi áður borist á banaspjót í innbyrðis deilum og hjaðningakvígum. „Það skilaði ekki góðu á Sturlungaöld og það mun ekki skila góðu nú,“ segir Katrín.

Hún segir að á Íslandi búi menntuð og skapandi þjóð sem eigi mörg tækifæri og auðlindir. 

„Ferðin framundan, hún er auðvitað krefjandi. Fjallið er bratt. En veganestið er gott. Og ef við berum gæfu til að horfa á það sem sameinar fremur en það sem sundrar er hægt að nota erfiðleikana nú til að búa í haginn fyrir framtíðina og tryggja að hörmungaratburðir síðasta árs endurtaki sig ekki í náinni framtíð,“ segir Katrín.

„Sóum ekki þessari kreppu heldur lærum af henni,“ sagði hún að lokum.

Tengdar fréttir

Stefnuræða Jóhönnu

Eina stjórnarmynstrið sem er í augsýn

• Þurfum ekki að ræna ömmur okkar
• Sligast undir vaxtabyrðum erlendra skulda
• Ríkisstjórnin gerir allt öfugt
• Stjórnarkreppa í landinu

» Fleiri tengdar fréttir

• 5 blogg um fréttina

Bloggað um fréttina

• Jón Snæbjörnsson: Ætli hún kunni að stoppa í sokka þessi "pía" ?
• Ægir Óskar Hallgrímsson: ....og lokum hurðum!!
• Þorsteinn H. Gunnarsson: Alþingisstjórn
• Ómar Geirsson: Blessuð Katrín.
• Haraldur Haraldsson: Katrín: Lærum af kreppunni/en það virðist erfitt mjög!!!!!