Vitlaust veður hefur í morgun verið á Bakkafjöru þar sem Suðurverk vinnur að byggingu Landeyjahafnar. Að sögn Eysteins Dofrasonar verkefnisstjóra hjá Suðurverki er ekkert vinnuveður og var mannskapurinn, sem  átti að fara í  helgarfrí eftir hádegi í dag, sendur heim strax í morgun.

Eysteinn segir að ekki sé til neins að fara niður sandana á vinnusvæðið vegna mikils sandroks. Hann segist minnstar áhyggjur hafa af hafnargörðum og öðrum mannvirkjum í Bakkafjöru, en reynt verði að fara á vinnusvæðið upp úr  hádegi eða strax og aðstæður leyfi.

Alls vinna um 50 starfsmenn Suðurverks við þessar framkvæmdir.

Tengdar fréttir

Óveður 2009

Ótrúlegur dagur

• Óttast um uppgræðslu
• Víða tjón vegna veðurofsans
• Rútuferðum frestað til morguns
• Yfirburðir og 8:0 gegn San Marino

» Fleiri tengdar fréttir

• Blogga um frétt