Sumar bomburnar sem Eyjafjallajökull sendi út í loftið í gær voru engin smásmíði. Að sögn Ómars Ragnarssonar, sem flaug framhjá toppgígnum í gær, voru sumar þeirra á stærð við jeppa og var gígurinn farinn að þrengjast talsvert að sögn hans.

„Ég tel að viðbúnaði hafi verið öfugt háttað hvað varðar breytingar á gosinu fram að þessu. Hingað til hafa allir farið á límingunum þegar byrjað hefur að gjósa á nýjum stað með stórauknum boðum og bönnum en ég tel hins vegar að hættulegasta stigið sé þegar gos er að deyja út eins og gerðist á Fimmvörðuhálsi. Þá eiga menn fyrst og fremst að vera á tánum og hafa á sér djúpan vara,“ skrifaði Ómar á bloggsíðu sína í gær.

Sjá nánar um eldgosið í Eyjafjallajökli, áhrif þess og afleiðingar, í Morgunblaðinu í dag.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir