Búast má við mikilli röskun á flugumferð í Evrópu á morgun, en öskuský frá eldgosinu í Eyjafjallajökli er á leið til Bretlands. Flugmálayfirvöld hafa tilkynnt að líklegt sé að flugvöllum þar verði lokað á morgun og fram á þriðjudag.

Mökkurinn frá gosinu hefur náð 6 km hæð að jafnaði í dag og í gær. Það þýðir að askan berst hátt upp í háloftin. Askan er því í svipaðri flughæð og flugvélar i alþjóðaflugi eru í.

Mökkurinn hefur sést vel frá Reykjavík í dag, sem er í um 140 km fjarlægð frá eldgosinu. Aðstæður til að sjá mökkinn frá höfuðborgarsvæðinu hafa líklega aldrei verið betri frá því gosið hófst.

Öskuský sem bárust til meginlands Evrópu stöðvuðu flugumferð í stórum hluta álfunnar um miðjan apríl, stuttu eftir að gosið hófst. Þetta leiddi til gríðarlegs fjártjóns fyrir flugfélögin og mikilla óþæginda fyrir fjölda farþega út um allan heim.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 2 blogg um fréttina

Bloggað um fréttina

• S i g u r ð u r S i g u r ð a r s o n: Myndir frá lónstæðinu við Gígjökul
• Anna Sigríður Guðmundsdóttir: Sameinaður stendur heimurinn og sundraður fellur hann.