Steinunn Sveinsdóttir Barkved sem býr í Sola sem er rétt utan við Stavanger er ekki í vafa um að steinar sem hún hefur fundið í fjörunni rétt við heimili sitt séu gosmolar sem eigi upptök sín frá gosstöðvum í Eyjafjallajökli.

„Ég veitti athygli þremur skrýtnum steinum á ströndinni sem ég er alveg viss um að eru hraun- eða vikurmolar. Það er meira að segja brennisteinslykt af einum þeirra. Þegar ég fór síðar á ströndina sá ég að fleiri mola hafði rekið á land,“ segir Steinunn.

Hún er hálfíslensk og segist þekkja vel til á Íslandi og hafa búið hér um skeið. Hún velkist ekki í vafa um að þetta séu hraunmolar og að ekkert norskt sé við þá.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir