Nýr óróakippur varð í Eyjafjallajökli um sjöleytið í morgun og var hann með svipuðum hætti og um miðjan dag í gær þegar gosórói jókst verulega þar til hann datt niður að mestu um áttaleytið.

Styttri óróapúlsar komu fram á jarðskjálftastöðvum við jökulinn kl. 20:45 og kl. 21:20. Á meðan á þessum óróahviðum stóð sást svartur eða dökkgrár mökkur. Lítill mökkur sást kl. 01:25 á vefmyndavél Mílu við Þórólfsfell og um fimmleytið í morgun stóð hvítur gufustrókur upp af jöklinum.

Óróinn hefur svo haldið áfram nú í morgunsárið með svipuðum hætti. Að sögn veðurstofunnar hafa engir skjálftar fylgt þessum óróahviðum og undanfarið hafa eingöngu verið smáir, grunnir skjálftar undir fjallinu. Líklega hefur losnað um fyrirstöðu í gígnum með auknu gasstreymi og öskusprengingum, að sögn veðurstofunnar.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 5 blogg um fréttina

Bloggað um fréttina

• Haraldur Haraldsson: Óróinn hélt áfram í morgun/þýðir þetta nýtt gos "!!!!!
• Sigurður Haraldsson: Kvikan er að koma upp!
• Njörður Helgason: Öskumistrið hvolfist yfir vesturlandið.
• Ingibjörg Friðriksdóttir: Hvað er til ráða....
• S i g u r ð u r S i g u r ð a r s o n: Tólf gosstrókar á landinu ...