Halldóra Gylfadóttir, starfsmaður á elliheimilinu Hjallatúni í Vík, segir að mikil aska hafi fallið þar á bæ.

„Það er yfirleitt eitthvað öskufall á hverjum degi, en ekki í dag og ekki í gær,“ segir Halldóra.

Hún segir að það sé fátt annað í boði, en að harka af sér. „Lífið heldur áfram og hér er ekkert væl. Garðurinn er þakinn ösku og grasið er fullt af ösku, en það er lítið sem við getum gert.“

Halldóra ræktar hross samhliða hjúkrunarstarfinu. Hún segir að hún þurfi að fylgjast vel með skepnunum. „Við erum með gott hesthús, sem við notum óspart ef okkur líst ekki á blikuna.“

Meðfylgjandi myndir tók Halldóra af ristarhliðið við afleggjarann að Sólheimabæjum og Mýrdalsjökli þann 6. júní.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• Blogga um frétt