Varnargarður við Markarfljót á Þórsmerkurleiðinni brast í morgun og er ekki ráðlegt fyrir aðra en þá sem eru á sérútbúnum fjallabílum að fara inn í Þórsmörk. Ragnheiður Hauksdóttir, landvörður í Húsadal, segir Markarfljótið renna yfir veginn á löngum kafla og varar fólk við að keyra þessa leið.

Ragnheiður segist hafa keyrt þessa leið skömmu fyrir hádegi og þá hafi varnargarðurinn verið í sundur á einum stað og hluti Markarfljótsins runnið yfir veginn. Er þetta áður en komið er að lóninu, um miðja vegu á leiðinni í Þórsmörk. 

Hún segir að talsvert af ösku berist í árnar úr jöklinum og askan verði að leðju. Það sé skýringin á flóðinu nú. Meðal annars hafi verið erfitt að átta sig á Krossá í sumar þar sem áin var sífellt að breyta sér vegna leðjunnar.

Samkvæmt upplýsingum frá lögreglunni á Hvolsvelli þá höfðu bílstjórar langferðabíla sambandi við lögreglu í morgun þar sem áin flýtur yfir veginn á löngum kafla. Telja bílstjórarnir að leiðin sé bæði hættuleg og illfær. Lögreglan er nú á leið inn í Þórsmörk þar sem aðstæður verða kannaðar.

Þórsmörk

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Viggó Jörgensson: Læst drif eru einnig nauðsynleg í leðju, leir og sandi. …