Mjólkurbíll valt í Súgandafirði

Mjólkurbíll valt rétt utan við Vestfjarðagöngin á leið til Súgandafjarðar snemma í morgun.

Að sögn lögreglunnar á Ísafiðri var krapi og hálka á veginum og missti ökumaður stjórn á bílnum.

Ökumaður var á leið til að sækja mjólk og var því bíllinn tómur þegar slysið varð.

Ökumaðurinn var fluttur á sjúkrahúsið á Ísafirði til skoðunar en meiðsl hans voru ekki alvarleg. Brjóta þurfti framrúðuna á bílnum til að ná manninum út.

• Blogga um frétt