Bæjarfulltrúar Samfylkingarinnar og Framsóknarflokksins í Árborg lýsa miklum áhyggjum vegna óeiningar sem virðist ríkja innan meirihluta sjálfstæðismanna í sveitarfélaginu.

Eggert Valur Guðmundsson, bæjarfulltrúi Samfylkingarinnar, og Helgi Sigurður Haraldsson, bæjarfulltrúi Framsóknarflokksins, segjast vilja koma þessu á framfæri í tilefni af fréttaflutningi í dag varðandi samstarfsörðugleika innan flokksins.

„Undirritaðir lýsa yfir miklum áhyggjum vegna þeirrar óeiningu sem virðist ríkja innan meirihluta sjálfstæðismanna, í Svf. Árborg. Mikilvægt er að stjórn sveitarfélagsins sé í föstum skorðum, skilvirk og eining ríki innan hóps kjörinna bæjarfulltrúa.  Undanfarna daga hafa átt sér stað óformlegar samræður, um hugsanlega myndun nýs meirihluta með aðkomu minnihlutans, vegna þessarar ósamstöðu sem virðist ríkja innan meirihlutans.“

Undirritaðir munu, jafnt nú sem hingað til, ekki skorast undan þeirri ábyrgð kjörinna bæjarfulltrúa að hafa veg sveitarfélagsins og íbúa þess í fyrirrúmi,“ segja Eggert og Helgi.

Tengdar fréttir

Árborg

Vonast til að samstarfið gangi upp

• Segja Eyþór njóta fulls trausts
• Fráleitt að meirihlutinn sé óstarfhæfur
• Efast um traust á oddvitanum
• Óbreyttur meirihluti í Árborg

» Fleiri tengdar fréttir

• Blogga um frétt