„Kirkjan þarf að axla ábyrgð"
Setja bókamerki
Séra Hildur Eir Bolladóttir, prestur í Akureyrarkirkju, segir í samtali við Vikudag að kirkjan geti ekki beðið miklu lengur með að axla ábyrgð. Prestafélag Íslands hélt prestafund í Safnaðarheimili Akureyrarkirkju í liðinni viku. Um 60 prestar af öllu landinu mættu til fundarins en alls voru 150 prestar boðaðir. Á meðal þess sem rætt var á fundinum var skýrsla rannsóknarnefndar kirkjuþings, um viðbrögð og starfshætti þjóðkirkjunnar vegna ásakana á hendur Ólafi Skúlasyni biskupi um kynferðisbrot.
Séra Hildur Eir Bolladóttir, prestur í Akureyrarkirkju, var á fundinum og segir hann hafa verið gagnlegan. „Þetta var góður fundur og samhljóma rödd um að nú þurfi að bregðast við réttlátri reiði þjóðarinnar sem m.a. endurspeglast í tíðum úrsögnum úr kirkjunni," segir Hildur í samtali við Vikudag.
„Þjóðin er eðlilega sár og reið út í það ráðaleysi sem yfirstjórn kirkjunnar sýndi í máli Ólafs og kirkjan kemur á margan hátt löskuð útúr þessu ferli. Nú ríður á að hún axli ábyrgð og bregðist við þessu og snúi þannig vörn í sókn. Liður í því er að Prestafélag Íslands mun núna óska formlega eftir fundi með biskupi og forseta kirkjuþings til að ræða framtíð kirkjunnar," segir Hildur.
Barn lést í árásinni
Víkingar komnir yfir 800 milljónir í greiðslur
„Tímabil aukinnar eldvirkni“
Fyrsti blaðamannafundurinn í heild sinni
„Þetta er ríkisstjórn almannahagsmuna“
Bjarni: „Útilokað að þetta geti gengið upp“
Skattamál verði líklega „þeirra mesta klemma“
