Bónus gagnrýnir ASÍ

Bónus gagnrýnir vinnubrögð ASÍ vegna nýrrar verðkönnunar sem birtist í morgun.  Bónus hefur ítrekað gert athugasemdir við vinnubrögð ASÍ, m.a. við að ekki séu teknir ódýrustu valkostir í hverjum vöruflokki hjá Bónus, þegar þeir eru sannarlega teknir hjá keppinautum Bónus, segir í tilkynningu sem fyrirtækið hefur sent frá sér.
 
„Dæmi um misræmi í vinnubrögðum ASÍ eru ódýrustu bananarnir, sem kosta 198 kr. kg í Bónus, en eru sagðir kosta 257 kr. kg.  Leiðrétting á þessari einu rangfærslu gerir Bónus ódýrustu verslunina í umræddri könnun.
 
Einnig gagnrýnir Bónus að ASÍ skuli bera saman annars vegar hreint íslenskt ungnautahakk og hinsvegar 10% próteinbætt nautahakk og leggja vörurnar að jöfnu.  Bónus selur ekki próteinbætt nautahakk, heldur einungis hreint ungnautahakk.  Verulegur verðmunur er á þessum vörum.  Ef hreint nautahakk væri hluti af verðkönnun ASÍ hjá öllum aðilum, munaði enn meira á Bónus og næstódýrasta aðilanum á markaði,“ segir ennfremur í tilkynningu frá Bónus.

• Blogga um frétt