Rúmlega þriðjungur þeirra sem eru í þjóðkirkjunni hefur hugsað um að segja sig úr henni á síðastliðnum mánuðum, að því er fram kemur í nýrri könnun MMR.<p>

MMR kannaði afstöðu meðlima þjóðkirkjunnar til þess hvort þeir hefðu hugsað um að segja sig úr þjóðkirkjunni á síðastliðnum mánuðum. Af þeim sem tóku afstöðu hafði rúmlega þriðjungur eða 34,4% hugleitt að segja sig úr henni á síðastliðnum mánuðum en 65,6% sögðust ekki hafa hugsað um það.

Fjöldi þeirra sem höfðu hugsað um að segja sig úr þjóðkirkjunni er nokkuð breytilegur eftir þjóðfélagshópum. Þannig fækkar til að mynda þeim sem sögðust hafa hugsað um að segja sig úr þjóðkirkjunni með hækkandi aldri, en 39,9% þeirra sem tóku afstöðu og voru í yngsta aldurshópnum (18-29 ára) sögðust hafa hugleitt það borið saman við 25,5% í elsta aldurshópnum (50-67 ára).

Fleiri karlar en konur höfðu hugsað um að segja sig úr þjóðkirkjunni á síðastliðnum mánuðum eða 36,9% karla borið saman við 32,1% kvenna. Að sama skapi voru þeir fleiri sem höfðu hugsað um að segja sig úr þjóðkirkjunni meðal höfuðborgarbúa eða 37,4% borið saman við 30,0% landsbyggðarbúa.

Tengdar fréttir

Skýrsla rannsóknarnefndar kirkjunnar

Fleiri sakaðir um kynferðisbrot

• Tugir greina frá ofbeldi
• Skýrsla úrbótanefndar kynnt um helgina
• Heimilislífið hefðbundið
• Segja lýsingar rangar

» Fleiri tengdar fréttir

• Blogga um frétt