Leita grímuklæddra manna
Setja bókamerki
/frimg/6/2/602226.jpg)
Lögreglan leitar nú tveggja grímuklæddra manna sem eru grunaðir um að hafa skotið á bíl við Sævarhöfða um kl. 22 í kvöld. Búið er að ræsa út alla sérsveitarmenn vegna málsins og er lögreglan á höfuðborgarsvæðinu með mikinn viðbúnað.
Samkvæmt heimildum mbl.is voru byssumennirnir vopnaðir haglabyssu og skutu þeir á bílinn úr annarri bifreið við bifreiðaumboð Ingvars Helgasonar og B&L, en árásarmennirnir veittu bílnum eftirför.
Talið er að afturrúða bílsins sem skotið var á hafi brotnað en ökumanninn sakaði ekki. Hann komst undan og ók á lögreglustöðina við Hverfisgötu þar sem hann tilkynnti um árásina. Hann gat gefið lögreglunni lýsingu á bifreiðinni sem byssumennirnir voru í.
Ummerki um skotárás hafa fundist á vettvangi samkvæmt upplýsingum mbl.is.
Lögreglan verst hins vegar allra frétta af málinu.
Dregið úr gosóróa
Þarf að koma til móts við ólíkar þarfir lækna
77 ár á milli þess elsta og yngsta
50 milljónir eiga að minnka svindl um 1 milljarð
Vika í kosningar: Þetta segja kannanir
„Við höldum áfram þangað til við erum búin“
Hulda saksóknari: „Tökum þetta ekki til greina“