Skiptum á dánarbúi Bobbys Fischers, fyrrverandi heimsmeistara í skák, er lokið. Eignir búsins reyndust vera 475 milljónir króna.

Eignirnar renna allar til Myoko Watai, eiginkonu Fischers, en dómstólar hér á landi komust að þeirri niðurstöðu að hún og Fischer hefðu verið gift og hún væri því lögmætur erfingi.

Fischer lést 17. janúar 2008, en hann bjó á Íslandi síðustu þrjú ár ævi sinnar og var íslenskur ríkisborgari. Eftir að hann lést gerðu þrír aðilar kröfu um arf eftir hann, en það voru Watai, eiginkona hans, filippseyska stúlkan Jinky Young, sem hélt því fram að hún væri dóttir Fischers, og tveir systursynir Fischers. DNA-rannsókn leiddi í ljós að stúlkan var ekki dóttir Fischers.

Tengdar fréttir

Fischer látinn

Erfðamáli Fischers vísað heim í hérað

• 240 millj. fyrir Fischer
• Krafa um að lík Fischer verði grafið upp?
• Minningarbók um Fischer
• Vilja ná sátt um dánarbú Fischers

» Fleiri tengdar fréttir