Samfelld rigning í sólarhring

Einar Sveinbjörnsson veðurfræðingur segir að leysingin um helgina verði ákveðin ofan í allan þann snjó sem fyrir sé. Það fari saman hvassviðri, 5 til 7 stiga hiti og talsverð rigning sunnanlands og vestan í meira en sólarhring á morgun og fram á sunnudag.

„Snjórinn er vitanlega feykilega mikill suðvestanlands og megnið af honum er nýlegur og hann er því auðleystur.  Undir er klaki, en þó ekki þar sem vel hafði verið hreinsað í síðasta blota.  Það losnar um snjóinn, hann blotnar síðar í dag þegar skil lægðar gangi yfir.   Upp úr miðjum degi á  morgun byrjar vatnselgurinn fyrir alvöru þegar tekur að rigna samfellt aftur um sunnan- og vestanvert landið  með vindi og hlýindum,“ skrifar Einar á veðurblogg sitt.

• Blogga um frétt