Jónas Þ. Þórisson, framkvæmdastjóri Hjálparstarfs kirkjunnar, tók fyrir helgi á móti peningum sem söfnuðust á landsmóti Æskulýðssambands þjóðkirkjunnar á Selfossi í lok október á síðasta ári og sem æskulýðsfélög hafa safnað í eigin fjáröflunum. Búið er að senda peningana, tæpar 240.000 krónur, til samtakanna Hearts of Gold í Japan sem ætla að nota þá til að styðja við börn í Fukushima sem misstu foreldra sína í hamförunum í Japan eftir jarðskjálftann mikla 11. mars í fyrra og flóðunum sem fylgdu í kjölfarið og sprengingunum í kjarnorkuverinu í Fukushima.

 Rakel Brynjólfsdóttir landsmótsstjóri og Toshiki Toma, prestur innflytjenda, en hann er tengiliður við samtökin Hearts of Gold í Japan, afhentu Jónasi Þ. Þórissyni framlagið.

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Sýknaðir vegna Fukushima-slyssins
• Minnast hamfaranna fyrir 7 árum

» Fleiri tengdar fréttir

• Blogga um frétt