Maðurinn sem slasaðist alvarlega eftir að á hann var ráðist  í samkvæmi við Laugaveg aðfaranótt mánudagsins hefur nú verið fluttur af gjörgæsludeild og á almenna deild á Landspítalanum.

Að sögn læknis á sjúkrahúsinu var maðurinn útskrifaður af gjörgæsludeild í morgun, en hann gekkst undir aðgerð á Landspítalanum í fyrradag.

Honum hafði verið vísað úr samkvæminu eftir deilur við veislugesti og fannst síðan alblóðugur og meðvitundarlaus fyrir framan húsið.

Einn maður hefur verið úrskurðaður í gæsluvarðhald fram á föstudag, en tveir aðrir tengjast málinu á þann hátt að þeir fóru með árásarmanninum út á eftir manninum sem ráðist var á. Ekki þótti þó ástæða til að krefjast gæsluvarðhalds yfir þeim.

Lögregla telur málið að mestu leyti upplýst.

Tengdar fréttir

Stórfelld líkamsárás við Laugaveg

Fangelsi fyrir stórfellda árás

• Skófarið sem skiptir sköpum
• Rangur framburður sökum ranghugmynda
• Sagðist saklaus en ekki sadisti
• Misþyrmdi manni og skildi eftir

» Fleiri tengdar fréttir

• Blogga um frétt