Karlmaður á sextugsaldri liggur enn þungt haldinn á gjörgæsludeild Landspítalans eftir að hafa orðið fyrir fólskulegri líkamsárás á lögmannsstofu síðastliðinn mánudag. Að sögn læknis á gjörgæsludeild er ástand mannsins óbreytt og er honum haldið sofandi í öndunarvél. Hann er í lífshættu.

Maðurinn var fluttur á sjúkrahús með mikla stunguáverka. Lögmaður á stofunni kom starfsfélaga sínum til bjargar og var árásarmaðurinn yfirbugaður í kjölfarið.

Árásarmaðurinn hefur verið úrskurðaður í gæsluvarðhald fram á föstudag að kröfu lögreglunnar á höfuðborgarsvæðinu. Hann hefur játað verknaðinn og verður gert að sæta geðrannsókn.

Tengdar fréttir

Líkamsárás á lögmannsstofu

14 ára fangelsi fyrir að stinga Skúla

• Guðgeir vill vægari refsingu
• Guðgeir fékk 14 ára dóm
• „Vildi að ég hefði aldrei hitt Skúla“
• Fer fram á sextán ára fangelsi

» Fleiri tengdar fréttir