Baldur hefur hafið afplánun
Setja bókamerki
Baldur Guðlaugsson, fyrrverandi ráðuneytisstjóri í fjármálaráðuneytinu, hefur hafið afplánun á tveggja ára dómi sínum. Þetta kemur fram í frétt á vef RÚV.
Samkvæmt heimildum fréttastofu RÚV hefur hann setið í Hegningarhúsinu við Skólavörðustíg síðustu tvo daga en verður færður fljótlega.
Heimildir fréttastofu RÚV herma að hann muni afplána dóminn á Kvíabryggju eða Bitru en þangað fara flestir þeirra fanga sem ekki eru taldir hættulegir við upphaf afplánunar.
Hæstiréttur staðfesti tveggja ára fangelsisdóm yfir Baldri vegna innherjasvika og brota í opinberu starfi.
Baldur var ákærður fyrir innherjasvik og brot í opinberu starfi þegar hann seldi hlutabréf í Landsbankanum 17. og 18. september 2008. Baldur var þá ráðuneytisstjóri í fjármálaráðuneytinu og sat í samráðshópi íslenskra stjórnvalda um fjármálastöðugleika.
Baldur hefur falið LEX lögmannsstofu að senda kæru til Mannréttindadómstóls Evrópu þar sem í dómi Hæstaréttar yfir honum hafi í veigamiklum atriðum verið brotinn réttur á Baldri í skilningi ákvæða Mannréttindasáttmála Evrópu.
Erlendir miðlar greina frá tíunda gosinu
Sáu eldgosið brjótast út frá Snæfellsnesi
Beint: Eldgos hafið við Stóra-Skógfell
Úlfar: Heppileg tímasetning á gosinu
Þórarinn: Tafir á höfuðborgarsvæðinu ekki minni
Einar skorar á næstu ríkisstjórn
Gosið gæti varað lengur: Meiri fyrirstaða í gosrásinni