Vélhjólasamtökin Bandidos og Mongols hafa sent fulltrúa sína til Íslands með það fyrir augum að koma hér upp starfsemi. Litið er á hvor tveggja samtökin sem alþjóðleg glæpasamtök. Þetta kom fram í sjónvarpsfréttum Ríkisútvarpsins í kvöld.

Komið hefur fram að lögregluyfirvöld fylgist með ellefu vélhjólasamtökum hér á landi vegna gruns um tengsl við skipulagða glæpastarfsemi. Flest eru þau á suðvesturhorninu en einnig á Norðurlandi, auk þess sem talið er víst að komið verði upp starfsemi á Egilsstöðum í náinni framtíð.

Karl Steinar Valsson, aðstoðaryfirlögregluþjónn hjá lögreglu höfuðborgarsvæðisins, staðfesti í samtali við fréttastofu Ríkisútvarpsins að fulltrúar frá Bandidos og Mongols hefðu komið hingað til lands. Hann sagði jafnframt að tvenn glæpasamtök til viðbótar væri ekki það sem íslenskt samfélag þyrfti á að halda núna.

Tengdar fréttir

Skipulögð glæpastarfsemi

Átján ákærðir: Telja sig hafa höfuðpaurinn í haldi

• Brotastarfsemi tekið breytingum til hins verra
• Grunaðir um tengsl við skipulagða glæpastarfsemi
• Þakklátur viðbrögðum stjórnvalda
• Umsóknin heldur áfram í kerfinu

» Fleiri tengdar fréttir

• Blogga um frétt