Maðurinn sem var stunginn margsinnis með hnífi á lögmannsstofu í byrjun síðasta mánaðar er á batavegi. „Hann mun trúlega útskrifast fljótlega frá okkur,“ segir læknir á gjörgæsludeild Landspítala Íslands, en þar hefur maðurinn legið frá því hann varð fyrir árásinni. 

„Hann er að verða það góður að hann fer á venjulega deild innan tíðar,“ segir læknirinn.

Maðurinn var um tíma í lífshættu, hann gekkst undir umfangsmikla aðgerð og var haldið í öndunarvél í nokkrar vikur.

Ráðist var á manninn á lögmannsstofunni Lagastoð í Lágmúla 5. mars síðastliðinn. Var annar starfsmaður stunginn í lærið þegar hann reyndi að skakka leikinn.

Árásarmaðurinn var handtekinn á staðnum og úrskurðaður í gæsluvarðhald.

Tengdar fréttir

Líkamsárás á lögmannsstofu

14 ára fangelsi fyrir að stinga Skúla

• Guðgeir vill vægari refsingu
• Guðgeir fékk 14 ára dóm
• „Vildi að ég hefði aldrei hitt Skúla“
• Fer fram á sextán ára fangelsi

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Góðar fréttir á fallegum degi