Rannsókn á hnífsstunguárás á lögmannsstofu í Lágmúla þann 5. mars sl. er á lokastigi, að sögn Björgvins Björgvinssonar, aðstoðaryfirlögregluþjóns hjá embætti ríkislögreglustjóra. Vonast er til að málið verði sent til ákærusviðs lögreglunnar í næstu viku en þaðan fer það til ríkissaksóknara.

Björgvin segir að verið sé að bíða eftir niðurstöðum DNA-rannsóknar sem var gerð í Svíþjóð og niðurstöðum úr geðrannsókn sem Guðgeiri Guðmundssyni, sem játaði á sig árásina, var gert að undirgangast. „Við vonumst til að geta lokið þessu í næstu viku og sent málið til ákærusviðs en það er háð því að við fáum þessi gögn,“ segir Björgvin.

Karlmaður á sextugsaldri hlaut mörg stungusár í árásinni en samstarfsfélagi hans, sem reyndi að skakka leikinn, var stunginn tvisvar í lærið. Manninum var haldið sofandi í öndunarvél á gjörgæsludeild Landspítalans í nokkrar vikur og var um tíma í lífshættu.

Tengdar fréttir

Líkamsárás á lögmannsstofu

14 ára fangelsi fyrir að stinga Skúla

• Guðgeir vill vægari refsingu
• Guðgeir fékk 14 ára dóm
• „Vildi að ég hefði aldrei hitt Skúla“
• Fer fram á sextán ára fangelsi

» Fleiri tengdar fréttir

• Blogga um frétt