Góður afli við Kolbeinsey

Línubáturinn Lágey kom til hafnar á Húsavík í dag með fullfermi eða um 15 tonn og var uppistaðan þorskur. Langt var róið eftir þessum afla eða á Kolbeinseyjarsvæðið.

Að sögn Sverris Þórs Jónssonar skipstjóra tók heimstímið um níu tíma en þetta er 75 sjómílna leið. Aflabrögð hafa ekki verið upp á marga fiska að undanförnu eða eins og Sverrir sagði „algjört núll“ og því róa menn lengra til í von um betri afla.

 GPG fiskverkun á Húsavík gerir Lágey út og annar línubátur fyrirtækisins, Háey II, var einnig út við Kolbeinsey og landaði um tíu tonnum í morgun.

• 1 blogg um fréttina

Bloggað um fréttina

• Axel Jóhann Hallgrímsson: Ekkert borð fyrir báru