Ögmundur Jónasson innanríkisráðherra vill að ríkisstjórnin afturkalli leyfi sem veitt hafa verið um ívilnanir vegna fyrirhugaðra áforma kínverska kaupsýslumannsins Huang Nubos um leigu á Grímsstöðum á Fjöllum. Þetta kemur fram í Fréttablaðinu í dag og þar segir að hann muni taka málið upp í ríkisstjórn á þriðjudag.

Samkvæmt lögum er aðila utan Evrópska efnahags svæðisins (EES) óheimilt að festa kaup á landi eða leigja til lengri tíma en þriggja ára. Árið 2010 voru sett lög um ívilnanir vegna nýfjárfestinga og Ögmundur segir að í þeim sé að finna lagaákvæði sem geri mögulegt að smjúga fram hjá þeirri almennu lagareglu. „Það er frá þessu ákvæði sem verið er að veita undanþágu, þannig að kínversk auðsamsteypa verður ígildi íslensks fyrirtækis,“ segir Ögmundur í samtali við Fréttablaðið.

Þá segir að Ögmundur hafi gert fyrirvara við málið þegar það var afgreitt úr ríkisstjórn í júní. Hann segir mikilvægt að taka þessi mál til endurskoðunar, ekki síst í ljósi þeirrar þróunar sem virðist stefna í.

Tengdar fréttir

Jarðakaup

Frumvarp um takmarkanir á landareign

• Vilja að jarðakaup verði leyfisskyld
• Segir markmiðið vera náttúruvernd
• Vilja frekari hömlur á jarðakaup
• Keyptu veiðijarðir við Búðardalsá

» Fleiri tengdar fréttir

• 4 blogg um fréttina

Bloggað um fréttina

• Kristján H. Kristjánsson: Ófagmennska Ögmundar
• Jón Snæbjörnsson: Að fara að íslenskum lögum ...
• Páll Vilhjálmsson: Ögmundur hafnar kínverskri nýlendubyggð
• Eyjólfur Jónsson: Hinir ráðherrarnir þora ekki að taka svona ákvarðanir eins og …