Handtökuskipun hefur verið gefin út á hendur tæplega tvítugum karlmanni, sem er grunaður um morðið á íslenskum pilti, Kristjáni Hinriki Þórssyni og félaga hans John White III á bílastæði fyrir framan verslun í borginni Tulsa í Oklahoma-ríki í Bandaríkjunum á laugardaginn.

Maðurinn heitir Jermaine Jackson og er 19 ára gamall. Hann var staddur við verslunina QuikTrip aðfaranótt laugardags þegar þá Kristján og White bar þar að. Orðaskipti upphófust á milli Jacksons og White sem enduðu með því að sá fyrrnefndi dró upp byssu og skaut inn í bílinn, samkvæmt frétt  fréttavefsins News On 6.

Dave Walker, rannsóknarlögreglumaður hjá lögreglunni í Tulsa, sagði í samtali við mbl.is í gær að búist væri við að upptökur úr öryggismyndavélum myndu leiða lögreglu á spor morðingjans.

Jacksons er nú leitað í Tulsa og nágrenni.

Tengdar fréttir

Íslenskur piltur skotinn til bana í Tulsa

„Getum byrjað að græða sárin“

• Dæmdur fyrir að myrða Kristján
• Réttað í máli Jacksons
• Jackson sagðist saklaus
• Jackson bíður réttarhalda

» Fleiri tengdar fréttir

• Blogga um frétt