Farþegum til Bíldudals og Ísafjarðar fækkar

Bíldu­dals­flug­völl­ur er einn fá­farn­asti flug­völl­ur­inn á Íslandi, með 3.514 komu- eða brott­far­arfarþega á síðasta ári. Farþegum um Bíldu­dals­flug­völl hef­ur farið fækk­andi und­an­far­in ár og ef farþegum fækk­ar enn frek­ar er hætta á því að grund­völl­ur sé ekki leng­ur fyr­ir flugi, án þess að auka niður­greiðslur veru­lega. Þetta kem­ur fram í nýrri skýrslu KPMG og sagt er frá í frétt á vef Bæj­ar­ins besta.

Árið 2010 fóru 2.302 farþegar um Bíldu­dals­flug­völl, 3.764 árið áður og 3.926 árið 2008. Nær 38% þeirra sem nýta sér flug til og frá Bíldu­dal gera það í viðskipta­er­ind­um, 37% nota flugið til að sinna heim­sókn­um og 25% farþega nota það öðrum er­inda­gjörðum.

Árið 2011 fóru ríf­lega 42 þúsund farþegar um flug­völl­inn á Ísaf­irði. Farþegum sem fara í gegn­um Ísa­fjarðarflug­völl hef­ur einnig fækkað, en árið 2010 voru þeir 43.204, árið 2009 46.905 og árið 2008 og 2007 yfir 50.000.

• Blogga um frétt