„Það var ákveðið að hætta við að bora granna holu og bora þess í stað fullbúna rannsóknarholu sem hægt er að nýta síðar. Svo verður tekin frekari ákvörðun um framhaldið í lok árs. Þá kemur í ljós hvort við borum fleiri holur, annaðhvort á Þeistareykjum eða í Bjarnarflagi.“

Þetta segir Óli Grétar Blöndal Sveinsson, framkvæmdastjóri þróunarsviðs hjá Landsvirkjun, í Morgunblaðinu í dag. Stefnt er að því hefja boranir á rannsóknarborholu á Þeistareykjum vegna jarðvarmavirkjunar, sem fyrirhugað er að rísi í Þingeyjarsýslu, um miðjan mánuðinn, annaðhvort í Bjarnarflagi eða á Þeistareykjum.

Jafnframt er unnið að því að hefja boranir í Bjarnarflagi en leyfisferli er styttra á veg komið þar. Gert er ráð fyrir að 45 MW virkjun muni rísa í Þingeyjarsýslu. Mikill jarðvarmi er talinn á svæðinu. Vísbendingar eru um að á Þeistareykjum sé veruleg framleiðslugeta umfram 45 MW en jarðhitasvæðið er talið vera eitt af stærri jarðhitakerfum Íslands. Að sögn Óla hefur þar farið fram umhverfismat fyrir 200 MW virkjun.

Tengdar fréttir

Mývatnssveit - virkjunarframkvæmdir

Ekki ætlunin að tefla Mývatni í hættu

• Meirihluti á móti frekari álverum
• Mývatn á rauða listann
• Spyrja um mengunarhættu Mývatns
• Landvernd vill að lært verði af Lagarfljóti

» Fleiri tengdar fréttir