Sveitarstjórn Skútustaðahrepps hefur sent frá sér ályktun þar sem því er fagnað að eftir 40 ára undirbúnings- og rannsóknarvinnu  séu  framkvæmdir  hafnar við landmótun á stöðvarhússlóð í Bjarnarflagi.

„Að baki er langt ferli. Mest allan þann tíma hefur Rannsóknarstöðin við Mývatn sinnt ýtarlegum rannsóknum á lífríki svæðisins. Í öllu þessu ferli hefur aldrei neitt komið fram sem  gefið hefur tilefni til að hætta við verkefnið.

Rannsóknarvinnan var unnin af færustu sérfræðingum á hverjum tíma og hefur skilað sér í gildu umhverfismati og gildu deiliskipulagi sem unnið var undir vökulu auga sveitarstjórnar. Ástæða er til að vekja athygli á því að í tillögu að rammaáætlun er Bjarnarflag í nýtingarflokki. Áratugareynsla er af jarðhitanýtingu í Mývatnssveit. t.d. var Kísiliðjan hf . sem hér starfaði í 40 ár stærsti jarðgufunotandi í heimi.

Íbúum Mývatnssveitar er náttúran  afar kær og enginn áform um að aðhafst neitt það sem skaðað getur lífríkið á nokkurn hátt,“ segir í ályktun Skútustaðahrepps.

Tengdar fréttir

Mývatnssveit - virkjunarframkvæmdir

Ekki ætlunin að tefla Mývatni í hættu

• Meirihluti á móti frekari álverum
• Mývatn á rauða listann
• Spyrja um mengunarhættu Mývatns
• Landvernd vill að lært verði af Lagarfljóti

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: "...unnin af færustu sérfræðingum á hverjum tíma..."