Ólafur Ragnar Grímsson, forseti Íslands, og Dorrit Moussaieff eru nýkomin úr tveggja daga ferð um Norðurland þar sem þau heimsóttu bændur á svæðunum sem urðu verst úti í óveðrinu í september.

Einnig voru skólar heimsóttir og m.a. rætt við nemendur í Reykjahlíðarskóla við Mývatn. „Þau lýstu því hvernig kindur sem þeim þykir vænt um og lömb sem þau þekktu komu ekki til baka, fórust í fönninni. Þar birtast áhrifin af þessari lífsreynslu með skýrari hætti en í fjölmiðlaumræðu,“ segir Ólafur Ragnar.

Í umfjöllun um ferðina í Morgunblaðinu í dag segir forsetinn hana  hafa sýnt þeim hjónum fram á að þótt fjölmiðlar hafi sinnt því vel að koma fréttum af atburðunum á framfæri fyrstu dagana hafi komið í ljós að vandinn sé mun meiri og á margan hátt séu djúp sár í samfélaginu til sveita.

Tengdar fréttir

Óveður í september

„Við tökum enga áhættu“

• Fé falið undir fannhvítri jörð
• 350 milljónir til bænda á kalsvæðum
• Tjón skiptir hundruðum milljóna
• Kortleggja á vandann hjá bændum

» Fleiri tengdar fréttir