Rekstrarstjóri Herjólfs í Vestmannaeyjum segir að óhapp hafi orðið í Landeyjahöfn en að skipið sé nú á leið til Eyja samkvæmt áætlun. Greint er frá þessu á vef Eyjafrétta.

Þar segir að farþegar Herjólfs hafi undanfarið haft samband við ritstjórn Eyjafrétta því þeir telji Herjólfur hafi farið utan í annan af tveimur hafnargörðum Landeyjahafnar. 

Gunnlaugur Grettisson, rekstrarstjóri Herjólfs í Vestmannaeyjum, staðfestir í samtali við Eyjafréttir að eitthvert óhapp hefði orðið í Landeyjahöfn en skipið sé nú á leið til Eyja samkvæmt áætlun.

Hann segir ennfremur að kafari verði sendur niður til að meta skemmdir, ef einhverjar séu.

Tengdar fréttir

Landeyjahöfn

Landeyjahöfn „eitt mesta verkfræðislys seinni ára“

• Þörf á endurbótum á Landeyjahöfn
• Mannvit tekur út Landeyjahöfn
• Gerð verði óháð úttekt á Landeyjahöfn
• Umhverfisáhrif dýpkunar Landeyjahafnar metin

» Fleiri tengdar fréttir

• Blogga um frétt