Aukin hætta á undanskotum

Fjölgun þrepa í virðisaukaskatti eykur hættuna á undanskotun og flækir virðisaukaskattskerfið.

Þetta álit ríkisskattstjóra kemur fram í umsögn hans til Alþingis um frumvarp til laga um ráðstafanir í ríkisfjármálum þar sem meðal annars er lagt til að virðisaukaskattur á gistingu verði hækkaður í 14% sem er nýtt þrep í virðisaukaskattskerfinu.

Í Morgunblaðinu í dag kemur fram, að ríkisskattstjóri vari eindregið við því að taka upp þriðja þrepið, raunar það fjórða því vara og þjónusta sem er undanþegin skattinum er fjórða þrepið.